Ávaxtasýrur Jan Marini

Hvað eru Jan Marini ávaxtasýrur?

Jan Marini ávaxtasýrur er vinsæl meðferð sem gefur húðinni góðan raka og vinnur á fínum línum, litabreytingum, bólum, fílapennslum og örum. Meðferðin inniheldur Glycoloc sýrur sem eru öflugar gegn ýmsum húðkvillum. Einnig örvar meðferðin collagen og elastín og framkallar frísklegra yfirbragð og aukinn ljóma.

Meðferðin tekur um 30 mín og eru eingöngu notaðar húðlæknavörur frá Jan Marini sem innihalda sérvalin efni fyrir húðina. Sýrurnar valda vægum sviða en í kjölfarið er settur róandi maski.

Er eitthvað sem ég þarf að hafa í huga fyrir meðferð?

Meðferðin hentar flestum húðtegundum. Ef þú hefur tekið inn Retinol eða lyf við bólum (t.d. Decutan) er mikilvægt að bíða í sex mánuði áður en farið er í ávaxtasýrumeðferð þar sem húðin getur verið mjög viðkvæm. Einnig er meðferðin ekki ráðlögð á meðgöngu eða með barn á brjósti.

Hver er árangur meðferðarinnar?

Það er mjög einstaklingsbundið hvenær árangur kemur í ljós og hve lengi hann endist en flestir sjá meiri ljóma og frísklegra yfirbragði eftir eina meðferð.

Hversu mörg skipti þarf ég?

Mælt er með sex meðferðum á 1-2 vikna millibili og síðan á 6 mánaðar fresti til að viðhalda árangri.

Hvað lengi er ég að jafna mig?

Flestir eru fljótir að jafna sig eftir meðferðina .Oftast er smá roði sem hverfur á einum degi. Mikilvægt er að nota góð rakakrem á milli meðferða og mælum við með húðvörum frá Jan Marini. Með því að nota vörurnar samhliða ávaxtasýrunum verður árangur meiri.

Hvað þarf ég að forðast eftir meðferð?

Það er mikilvægt að sleppa líkamsrækt og sundi daginn sem meðferð er framkvæmd.

Varast skal sól og ljósabekki og nota sólarvörn með SPF 30 daglega.