Hvað er Perfect Derma?
Perfect Derma mætti þýða sem fullkomin húð, enda er þetta ávaxtasýrumeðferð sem blæs nýju lífi í húð sem er farin að eldast og meðhöndlar ýmiss húðvandamál. Hún vinnur meðal annars á þurrki, fínum og djúpum línum, litabreytingum, minnkar svitaholur og gefur ljóma. Einnig hentar hún vel fyrir bólur og ör. Meðferðin inniheldur blöndu af sex öflugum sýrum og andoxunarefninu glútaþíón sem er jafnan tengt við æskuljóma. Hún endurnýjar ysta lag húðar ásamt því að örva kollagen til að gera við og endurnýja húðina og koma jafnvægi á frumuskiptingu.
Meðferðin fer þannig fram að sýrur eru bornar á húð og tekur meðferðin um 30 mín. Sýrurnar eru látnar liggja á húð í sex tíma eða fram á næsta morgunn ef þolir, en þú færð með þér pakka sem inniheldur tvo hreinsiklúta, rakakrem með vægum stera og sólarvörn sem borið er á húð dagana á eftir.
Er eitthvað sem ég þarf að hafa í huga fyrir meðferð?
Meðferðin er kröftug og vinnur djúpt í húðinni. Ef þú ert með viðkvæma húð er gott að ráðfæra sig við starfsfólk stofunnar hvort hún henti þinni húðgerð.
Meðferðin hentar ekki ef eitthvað ef þú:
Ert þunguð eða með barn á brjósti
Hefur tekið inn sterk bólulyf svo sem decutan. Þá er nauðsynlegt að bíða í sex mán áður en farið er í meðferðina.
Ofnæmi fyrir aspiríni/asetýlsalicsýru.
Ert með veikt ónæmiskerfi eða sjálfsofnæmi.
Ert á lyfja eða geislameðferð vegna krabbameins.
Ef saga um herpes þá gefum við fyrirbyggjandi veirulyf, byrjum þremur dögum fyrir meðferð.
Hvenær má ég búast við að sjá árangur?
Árangur hefur verið mjög góður og þú getur séð mun eftir eitt skipti. Árangur er þó alltaf einstaklingsbundinn.
Hversu mörg skipti þarf ég?
Mælt er með að taka þrjú skipti á mánaðar fresti og koma svo árlega til að viðhalda árangri.
Hvað lengi er ég að jafna mig?
Þú getur gert ráð fyrir að vera um sjö daga að jafna þig. Fyrsta sólarhringinn getur verið talsverður roði og sviði. Húðin byrjar svo að flagna á 3. degi og á 6.-7.degi kemur hún eins og ný undan.
Hvað þarf ég að forðast eftir meðferð?
Mjög mikilvægt er að forðast sólböð, ljósabekki og brúnkukrem í a.m.k. tvær vikur eftir meðferð.
Forðist heit böð, sturtur eða gufuböð (yfir 38°C) í amk tvo daga eða þangað til bólga er horfin.
Forðist líkamsrækt og sund í amk tvo daga.
