Hvað er hýalúrónsýru fylliefni?
Hýalúrónsýru fyllefni er náttúrulegt rakaefni húðarinnar en hýalúrónsýra bindur vatn í húðinni allt að þúsundfalt og gefur með því aukinn þéttleika og raka. Vegna þessa eiginleika er efnið mikið notað til að minnka andlitslínur, gefa lyftingu og frísklegra yfirbragð. Hýalúrónsýru fylliefni eru einnig notuð til þess að byggja upp varir og gefa fyllingu í andlit, handarbak, háls og grynnka ör.
Á stofum við notum við eingöngu hágæða fylliefni úr hreinni hýalúrónsýru sem inniheldur engin aukefni fyrir utan deyfingu sem dregur úr óþægindum, enda hefur það gengið undir viðurnefninu „Rollsinn í fylliefnum.“Meðferðin tekur um 15 til 30 mínútur.
Þessi meðferð er góð til að:
Fylla í fínar andlitslínur.
Fylla í grófar andlitslínur.
Gefa aukna fyllingu í varir.
Endurskapa varir sem eru orðnar þunnar eftir sólböð eða reykingar.
Minnka djúp ör.
Gefa fyllingu í andlit og handarbak.
Lyfta kinnbeinum.
Er eitthvað sem ég þarf að hafa í huga fyrir meðferð?
Ef þú ert með ofnæmi fyrir deyfiefnum þá er mikilvægt að nefna það, því flest efnin innihalda staðdeyfiefni. Við getum sérpantað fylliefni án deyfiefna en það getur tekið nokkra daga að fá það afhent.
Allar meðferðir sem þarfnast inngrips geta valdið bólgu og mari. Það eru nokkur ráð sem þú getur farið eftir til að minnka líkur á mari og verðir fljótari að jafna þig. Ef þú ert á blóðþynningarlyfi þá mælum við með að gera hlé í 3-5 daga fyrir meðferð eða í samráði við þinni lækni. Ef þú tekur inn ómega-3 fitusýrur, lýsi eða bólgueyðandi lyf þá er gott að gera hlé í tvær vikur fyrir meðferð. Áfengi þynnir einnig blóðið og seinkað því að þú jafnir þig. Ef þú neytir áfengis er því ráðlagt að halda sig frá því í viku fyrir meðferð. Sama á við um reykingar.
Fyrir meðferð er mikilvægt að koma með hreina húð og gæta þess að bera EKKI krem eða farða á húðina.
Hve lengi endist meðferðin?
Almennt gildir að fylliefnin endast í hálft til eitt ár en við höfum séð árangur allt upp í þrjú ár. Og því oftar sem þú kemur, því lengur endist meðferðin.
Hversu mörg skipti þarf ég?
Flestum nægir að koma í eitt skipti en ef línurnar eru djúpar þá getur betri árangur náðst með því að koma aftur eftir tvær til þrjár vikur.
Hve lengi er ég að jafna mig?
Það fer eftir staðnum sem sprautað er í. Flestir geta mætt strax til vinnu en einstaka sinnum getur komið bólga eða mar sem lagast á 1-2 vikum. Fyrst á eftir er ekki óalgengt að það myndist upphleypt svæði þar sem sprautað var en það hverfur venjulega á nokkrum dögum en í sumum tilfellum er eðlilegt að vera bólginn í nokkrar vikur. Flestir sjá árangur strax eftir meðferð en það tekur um mánuð að sjá lokaárangur meðferðarinnar.
Hvað þarf ég að forðast eftir meðferð?
Mikilvægt er að nudda EKKI svæðið daginn sem meðferð er framkvæmd og forðast að snerta svæðið í tvo tíma eftir meðferð. Þú mátt setja hyljara eftir tímana tvo og farða næsta dag.
Gott er að sleppa líkamsrækt og sundi daginn sem meðferð er framkvæmd.
